Mos funksioni i uebfaqes së kompanisë Tiks Apps për shitjen e biletave të ndeshjes së shumë pritur Kosovë – Angli ka zemëruar tifozët “Dardanë”.

Kompania kishte njoftuar se biletat për ndeshjen e së dielës në kuadër të kualifikimeve për Euro 2020 do të dalin në shitje sot (e martë) në ora 16:00, shkruan portali arbresh.info.

Por, ende pa shënuar ora 16:00, uebfaqja e kompanisë së kontraktuar nga FFK nuk ishte funksionale dhe vazhdon ende të mos jetë në dispozicion – gjë e cila edhe ka zemëruar tifozët e skuadrës nën udhëheqjen e Bernard Challandes.

Në njoftimin e kompanisë në rrjete sociale se qasje në uebfaqe është e pamundur për shkak të ngarkesës shumë të madhe, një numër i madh i komentesh janë ofenduese por ka edhe të tilla që tallen me ata.

Njëra prej tyre ka të bëjë me trendin e fundit me mjaltën.

“Mjaltë për mos-bllokim të website-it për biletat Kosovë – Angli”, shkruhet në pjesën reklamuese të një foto ku shihet një pako me mjaltë

Kjo na ngjallur reagime dhe të qeshura të shumta në rrjete socaile./arbresh.info/